Námskeið fyrir félagsmenn FIT

Námskeið fyrir félagsmenn FIT
FIT stendur fyrir tveimur námskeiðum "Greinagott námskeið í grisjun" og "Að smíða úr viði við og við."  Greinagott námskeið í grisjun verður haldið 2. apríl n.k. kl. 10:00 - 16:00 og Að smíða úr viði við og við verður haldið 9. apríl n.k. kl. 10:00 - 16:00.  

Þátttökugjald er kr. 1.000 fyrir hvort námskeið.  Á báðum námskeiðunum verður boðið uppá snarl í hádeginu.  Skráning er hafin og þarf að skrá sig hjá Þjónustuskrifstofu iðnfélaga í síma 535 6000 fyrir miðvikudaginn 30. mars og gefa þarf upp kortanúmer til greiðslu á námskeiðsgjaldi.

Takmarkaður þátttakendafjöldi á hvoru námskeiði.

Greinagott námskeið í grisjun

FIT stendur fyrir námskeiði í grisjun í skóglendi, laugardaginn 2. apríl n.k. kl. 10.00 - 16.00. Kennt verður hvernig á að umgangast keðjusög, öryggisatriði og brýning. Í framhaldi verður farið á svæði FIT, sagað og klippt og farið yfir helstu atriði sem hafa verður í huga við grisjun.  Kennarar verða helstu sérfræðingar landsins í faginu. Mæting er við aðstöðu skógræktarinnar við Elliðavatnsbæinn í Heiðmörk.

Að smíða úr viði við og við

FIT stendur fyrir námskeiði í notkun og smíði úr hráviði, laugardaginn 9. apríl n.k. kl. 10.00 - 16.00. Kennt verður hvernig nýta má efnivið úr grisjun og útbúin útihúsgögn svo sem, bekkur, kollur og fleira. Kennarar verða helstu sérfræðingar landsins í faginu. Námskeiðið verður haldið í aðstöðu skógræktarinnar við Elliðavatnsbæinn í Heiðmörk.