Til starfa á ný - vinnumiðlun FIT og Byggiðnar

 

Stefán Stefánsson hefur verið ráðinn sem atvinnuráðgjafi FIT og Byggiðnar á grundvelli tilraunaverkefnis ASÍ, SA, Vinnumálastofnunar og velferðarráðuneytisins um vinnumiðlun og ráðgjöf. Verkefnið er tilraunaverkefni til þriggja ára og hefur það að markmiði að efla vinnumiðlun og stuðla að virkari vinnumarkaðsaðgerðum fyrir þá atvinnuleitendur sem eru félgsmenn FIT og Byggiðnar á höfuðborgarsvæðinu og Suðurnesjum.

STARF ehf vinnumiðlun og ráðgjöf annast framkvæmd verkefnisins en félögin tóku formlega við þjónustunni þann 1. ágúst. Félagsmenn þeirra á höfuðborgarsvæðinu geta haft samband við Stefán í síma 5356000 eða í netfangið This email address is being protected from spambots. You need JavaScript enabled to view it. en hann hefur aðsetur á þjónustuskrifstofu félaganna í Borgartúni 30. Félagsmenn FIT á Suðurnesjum geta haft samband við atvinnuráðgjafana Guðbjörgu Kristmundsdóttur (This email address is being protected from spambots. You need JavaScript enabled to view it.) og Gunnar H. Gunnarsson (This email address is being protected from spambots. You need JavaScript enabled to view it.) í síma 421 8001 en þau hafa aðsetur á skrifstofu FIT í Króssmóum 4 í Reykjanesbæ. Atvinnuleitendur sem eru utan höfuðborgarsvæðisins og Suðurnesja munu áfram sækja þjónustu til Vinnumálastofnunar og ráðgjafa á viðkomandi svæði.

Rétt er að vekja athygli á því að verkefnið snýr ekki síður að launagreiðendum en atvinnuleitendum og er ástæða til að hvetja launagreiðendur til að leita til Stefáns eða Guðbjargar og Gunnars vanti þá fólk til starfa. Sjá nánar á heimasíðu STARF ehf.

Kynningareinblöðungur Stéttarfélagið þitt styður þig til starfa á ný