Laugardaginn 21. september verður farið í árlegt ferðalag Félags iðn- og tæknigreina.  

Fyrir þá sem eru að fá boð um að fara í fyrsta sinn skal upplýst að ferðirnar eru að kostnaðarlausu og boð er sent öllum félagsmönnum sem hafa náð 67 ára aldri eða verða 67 ára á árinu. Boðið gildir aðeins fyrir félagsmenn (án maka).

Við munum leggja af stað frá Borgartúni 30 kl. 10:00 stundvíslega. Fararstjóri verður Sveinn Ingason og hann einn veit hvert farið verður.

Félag iðn- og tæknigreina mun bjóða til hádegisverðar á leiðinni og í síðdegiskaffi. Við gerum svo ráð fyrir að vera aftur í Borgartúni um kl. 18.00.

Nauðsynlegt er að þeir sem ætla með skrái sig í síðasta lagi fimmtudaginn 19. september á skrifstofum félagsins eða í síma 535-6000.