Launtaxtar hækka um 11.000 kr., laun umfram það um 3,25%

 

 

Þann 1. febrúar hækka launataxtar kjarasamninga á almennum vinnumarkaði um 11.000 kr., laun umfram það hækka um 3,25%. Laun starfsmanna hjá ríkinu hækka um 3,25% 1. mars. Samkomulag var undirritað mánudaginn 22. janúar milli ASÍ og SA um endurskoðun kjarasamninga. Það felur í sér að samningunum verður ekki sagt upp en samningstíminn hins vegar styttur um tvo mánuði. Launahækkun upp á 3,25% til félagsmanna innan aðildarfélaga ASÍ kemur því til framkvæmda 1. febrúar nk. en 1. mars hjá starfsmönnum hjá ríkinu. Yfirgnæfandi meirihluti félaga inna ASÍ var á móti því að segja samningunum upp. Meðal annarra ákvæða í samkomulaginu er samstaða um mótun atvinnustefnu, mótun stefnu í gengis og verðlagsmálum og aukin framlög atvinnurekenda til starfsmenntasjóða. Sjá nánar Samkomulag ASÍ og SA og Niðurstöðu forsendunefndar.