Rafræn könnun

mannlif fjoldskylda

 

Opnuð hefur verið rafræn könnun. Um er að ræða nokkrar spurningar um laun og ýmsa kjaratengda þætti auk viðhorfs til nokkurra atriða. Mjög mikilvægt er að félagsmenn vandi svör sín, sérstaklega þegar kemur að spurningu um laun, því mikilvægt er að FIT fái skýra og áreiðanlega mynd af launum félagsmanna. Reynt var að hafa sem bestar skýringar við hverja spurningu til að auðvelda félagsmönnum að svara.
Ekki þarf að fjölyrða um mikilvægi þess að svörun verði góð því aðeins þannig verður könnunin marktæk. Það er hagur félagsins að geta notað könnunina í kjaraviðræðum við atvinnurekendur og einnig félagsmanna að geta leitað til félagsins um áreiðanlegar upplýsingar um launakjör í hverri starfsgrein. Þess vegna eru allir félagsmenn hvattir til að taka þátt og svara þessari könnun.

Til að taka þátt þarf að nota félaganúmer sem kemur fram á félagsskírteini fyrir árið 2015. Ef einhver sem telur sig eiga að taka þátt, hefur ekki aðgang að könnuninni á að hringja til félagsins (535 6000) og óska skýringa. 

Ákveðið hefur verið að verðlauna 3 félagsmenn sem taka þátt í þessari könnun með því að sett verður 20.000 króna inneign á orlofsreikning hvers
og eins. Dregið verður úr nöfnum þátttakenda að könnun lokinni og nöfnin 3 birt á heimasíðu félagsins. 

Til að taka þátt smellið á myndina hér að neðan:

 

 

konnun 1