ALÞJÓÐLEGUR DAGUR AÐGERÐA HJÁ RIO TINTO

Stéttarfélög um allan heim grípa til aðgerða á morgun, 7. október, til þess að krefjast góðra, öruggra starfa hjá Rio Tinto.

Rio Tinto er í auknum mæli að nýta sér lausráðna starfsmenn til vinnu um allan heim. Vinna lausráðinna starfsmanna telst t.d. vera tímabundin, óformleg verktaka vinna sem oftast er lágt launuð, utan kjarasamninga og hættuleg.
Þetta er ógnun við starfsmenn Rio Tinto, stéttarfélögin og samfélagið í heild sinni.
Það má geta þess að á þessu ári hafa orðið banaslys hjá Rio Tinto í Kanada, Chile, Gíneu, Indónesíu, Madagaskar og Suður Afríku.

Starfsfólk og stéttarfélög hjá Rio Tinto um allan heim krefjast þess að fyrirtækið:
• Hætti að skipta út fastráðnum starfsmönnum fyrir lausráðið fólk
• Veiti örugg, vellaunuð störf með góðum kjörum
• Þrýsti á byrgja og undirverktaka til að virða réttindi starfsmanna,að meðtöldum réttindum er varða heilsu- og öryggismál.
• Virði réttindi starfsmanna og stéttarfélaga til þýðingarmikillar þátttöku í málum er varða heilsu og öryggi.

Nánari upplýsingar um þessa herferð er að finna á www.facebook.com/groups/riotintocampaign

RioTinto

 

Uppfært 7. október 2015:

Efnt var til fjölmenns samstöðufundar við aðalhlið verksmiðjunnar í hádeginu í dag, þar sem krafist var ofangreindra úrbóta hjá fyrirtækinu.

Hilmar Harðarson, formaður FIT og Samiðnar mætti á fundinn ásamt starfsmönnum.

RTsamstadaRTsamstodufundur