Kjarasamningur OR-ON samþykktur í dag

Nýr kjarasamningur Samiðnar við OR-ON var samþykktur í atkvæðagreiðslu sem lauk kl. 16 í dag 16. nóvmeber með 78% atkvæða gegn 17%.
5% tóku ekki afstöðu. Þátttaka í kosningunni var 90%.

hjalmur teikningar

Kjarasamningurinn er gerður á hliðstæðum nótum og kjarasamningarnir sem gerðir voru á almennum vinnumarkaði sl. sumar.
Samhliða gerð almenns kjarasamnings voru gerðar umfangsmiklar breytingar á gildandi launkerfum sem hafa verið við lýði hjá OR-ON um langt árabil.
Með samningnum mun ábatakerfið, sem starfrækt hefur verið samhliða almennu taxtakerfi, aflagt og fært inn í grunnlaunin. Við þessa aðgerð hækka grunnlaun iðnaðarmanna töluvert án verulegs kostnaðarauka.
Kostnaðaráhrif samningsins verða því örlítið meiri í upphafi vegna kerfisbreytinganna m.a. vegna hækkunar á yfirvinnu og álagsgreiðslum. Áfangahækkanir sem koma til á tímabilinu 2016-2018 eru þær sömu og í öðrum kjarasamningum sem gerðir hafa verið á almennum vinnumarkaði.
Samningurinn verður kynntur félagsmönnum á næstu dögum en atkvæðagreiðslu lauk kl. 16:00 í dag þann 16. nóvember nk.

Sjá samninginn.