Desemberuppbót 2015

Desemberuppbótin, fyrir árið 2015, er kr. 78.000 fyrir eftirtalda kjarasamninga: 
Samtök atvinnulífsins, Meistarasamband byggingamanna, Bílgreinasambandið og Ríkið.

Uppbótin skal greiðast í síðasta lagi 15. desember miðað við starfshlutfall og starfstíma.

Starfsmenn sem verið hafa samfellt í starfi hjá atvinnurekanda í 12 vikur á síðustu 12 mánuðum eða eru í starfi 1.desember eiga rétt á desemberuppbót.

Starfsmenn í ákvæðisvinnu fá greidda desemberuppbót líkt og aðrir.

Sá tími sem starfsmaður er í fæðingarorlofi telst sem starfstími við útreikning desemberuppbótar.

Iðnnemar í fullu starfi hjá fyrirtæki á námstíma fá fulla desemberuppbót.

Fullt starf telst vera 45 unnar vikur eða meira fyrir utan orlof.

Upphæð desemberuppbótar í eftirtöldum kjarasamningum er:

> Reykjavíkurborg kr. 85.600
> Strætó samningaviðræður standa yfir
> OR-ON kr. 90.500,-
> Samband íslenskra sveitafélaga samningaviðræður standa yfir
> Landsvirkjun 112.744

Sjá nánar í viðkomandi kjarasamningum á heimasíðu FIT

2015 02 11 snjor tre

Til athugunar vegna starfsloka:
Áunna desemberuppbót og orlofsuppbót skal gera upp samhliða starfslokum verði þau fyrir gjalddaga uppbótanna.
Sama gildir um öll laun þar með talið orlof.

> Sjá reiknivél fyrir útreikning desemberuppbótar á vef Samiðnar.