Jólastyrkur iðnfélaganna 2020

Iðnfélögin í Húsi Fagfélagann veittu í dag innanlandsstarfi Rauða kross Íslands fjárstuðning fyrir jólin. 

Með þessu vilja félögin styrkja Rauða krossinn í því mikilvæga verkefni að styðja þá fjárhagslega sem standa höllum fæti í samfélaginu.
Sérstaklega yfir jólahátíðina.

rkí 2020

Björg Kjartansdóttir sviðsstjóri Fjáröflunar- og kynningarsviðs veitir styrknum viðtöku af fulltrúum iðnfélaganna.

Iðnfélögin sem standa að 2F Húsi Fagfélaganna; Samiðn, FIT, Byggiðn, RSÍ og Matvís, eru nú að ljúka sínu fyrsta starfsári í sameiginlegu húsnæði og með sameiginlega þjónustuskrifstofu.

Markmiðið með nánara samstarfi er að efla starf félaganna og auka vægi þeirra til hagsbóta fyrir félagsmenn sína og iðngreinarnar í landinu.

Rauði krossinn á Íslandi veitir fólki sem býr við fátækt eða á í erfiðleikum, sérstaka aðstoð fyrir jólin með hjálp frá almenningi og fyrirtækjum um allt land. 

Markmið jólaaðstoðar Rauða krossins er að aðstoða þá sem eiga erfitt með að halda gleðileg jól vegna bágrar fjárhagsstöðu.
Aðstoðin felst í fjárstyrkjum, matarúthlutunum og fatakortum eftir því sem við á.

Við óskum Rauða krossinum velfarnaðar og landsmönnum öllum gleðilegra jóla.