Ísland tekur þátt í eftirfarandi ellefu greinum í Euroskills 2023 sem fer fram í Gdansk í Póllandi 5.-9. september: Pípulögnum, hársnyrtiiðn, trésmíði, matreiðslu, bakstri, framreiðslu, kjötiðn, rafvirkjun, rafeindavirkjun, iðnaðarrafmagn og grafískri miðlun.

Keppnin fer fram í AMBEREXPO höllinni í Gdansk. Keppendur verða um 600 talsins frá 32 Evrópulöndum og munu keppa eða sýna færni sína í 43 iðn- og verkgreinum. Þá er von á um 100 þúsund gestum á keppnina.

Öflugur landsliðshópur

Ellefu ungir og efnilegir fulltrúar taka þátt í eftirfarandi greinum:

• Bakaraiðn – Finnur Guðberg Ívarsson, Hótel- og matvælaskólinn
• Framreiðsla – Finnur Gauti Vilhelmsson, Hótel- og matvælaskólinn
• Grafísk miðlun – Olivier Piotr Lis, Tækniskólinn
• Hársnyrtiiðn – Irena Fönn Clemmensen, Verkmenntaskólinn á Akureyri
• Iðnaðarstýringar – Benedikt Máni Finnsson, Tækniskólinn
• Kjötiðn – Bríet Berndsen Ingvadóttir, Hótel- og matvælaskólinn
• Matreiðsla – Hinrik Örn Halldórsson, Hótel- og matvælaskólinn
• Pípulagnir – Kristófer Daði Kárason, Tækniskólinn
• Rafeindavirkjun – Hlynur Karlsson, Tækniskólinn
• Rafvirkjun – Przemyslaw Patryk Slota, Verkmenntaskóli Austurlands
• Trésmíði – Van Huy Nguyen, Tækniskólinn

Hér fyrir neðan má sjá kynningu á keppninni.