Yfirvinna 1 og 2

Yfirvinna telst frá því dagvinnu lýkur á mánudögum til og með föstudögum þar til dagvinna hefst að morgni. Á laugardögum, sunnudögum og helgidögum greiðist yfirvinnukaup.

Yfirvinna 1 er greidd fyrir fyrstu 4 klst. á viku að jafnaði eða 17,33 klst. á mánuði, samkvæmt kjarasamningi við Samtök atvinnulífsins. Álag á yfirvinnu 1 er 1,00% af mánaðarlaunum fyrir dagvinnu. Iðnaðarmaður sem er með 550.000 kr. í grunnlaun fær greiddar 5.500 krónur á tímann fyrir yfirvinnu 1.

Yfirvinna 2 greiðist fyrir alla tíma umfram 17,33 yfirvinnutíma á mánuði og á nóttunni á milli kl. 00:00-06:00. Álag á yfirvinnu 2 verður 1,15% af mánaðarlaunum fyrir dagvinnu. Sá sem er með 550.000 kr. í grunnlaun fær þannig greiddar 6.325 krónur á tímann fyrir yfirvinnu 2.