Kjararáðstefna Samiðnar 2023
Kjararáðstefna Samiðnar var haldin 17. nóvember sl. að Stórhöfða 31. Fulltrúar aðildarfélaga Samiðnar, vítt og breytt um landið, mættu á fundinn.
Á ráðstefnunni voru kynntar niðurstöður nýgerðra kjarakannana hjá nokkrum aðildarfélögum Samiðnar. Þá var einnig rýnt í stöðu efnahags- og kjaramála.
Kynning á Samiðn og helstu verkefnum sambandsins fór fram. Einnig var farið yfir vinnu skipulagsnefndar Samiðnar, sem skipuð var á sambandsþingi í júní 2022, en verkefni hennar var að koma með tillögur vegna endurskoðunar á skipulagi og starfsháttum sambandsins.
Í kjölfar kynninga fór fram hópavinna og óhætt er að segja að umræðan hafi verið lífleg, bæði varðandi áherslur í komandi kjaraviðræðum og um framtíð Samiðnar.
Fleiri myndir frá ráðstefnunni má sjá á vef Samiðnar.