Baráttudagur verkalýðsins, 1. maí, verður haldinn hátíðlegur næstkomandi miðvikudag, venju samkvæmt.

ASÍ hefur opnað vefinn 1mai.is þar sem finna má stutt og skemmtileg myndbönd, með leikarann Aron Mola í aðalhlutverki, um sigra verkalýðshreyfingarinnar í gegn um tíðina.

Slagorð dagsins að þessu sinni er Sterk hreyfing – sterkt samfélag.

Félagsfólk um allt land er hvatt til að taka þátt í hátíðarhöldunum.

Dagskráin í Reykjavík verður sem hér segir:

13:00 Safnast saman á Skólavörðuholti.

13:30 Kröfugangan hefst og fer niður Skólavörðustíg, Bankastræti og Austurstræti að Ingólfstorgi. Lúðrasveit verkalýðsins og Lúðrasveitin Svanur spila á Skólavörðuholti og síðan í göngunni niður á Ingólfstorg.

14:00 Útifundur hefst.

• Fundarstjóri er Arna Jakobína Björnsdóttir, formaður Kjalar.
• Ræðu flytja einnig Sólveig Anna Jónsdóttir, formaður Eflingar og Þórainn Eyfjörð, formaður Sameykis.
• Bríet og Úlfur Úlfur munu taka lagið og í lok fundarins syngur fundarfólk og tónlistarfólk.

Hér fyrir neðan er dagskrá 1. maí í Reykjavík, Reykjanesi, Selfossi, Akranesi og Vestmannaeyjum.

Reykjanesbær:

Á þessum degi fögnum við því sem áunnist hefur í réttindabaráttu verkafólks í gegnum tíðina og leggjum áherslur á nýjar og breyttar kröfur í þágu vinnandi stétta. Stéttarfélögin á Suðurnesjum bjóða félagsfólki og öðrum íbúum svæðisins á baráttufund í Stapa, Hljómahöll kl.14:00 til 16:00. Öll velkomin á meðan húsrúm leyfir.

• Mummi Hermanns leikur ljúfa tóna. Guðbjörg Krismundsdóttir, formaður VSFK, setur dagskrá.
• Ræðumaður dagsins er Hilmar Harðarson, formaður FIT.
• Bjartmar Guðlaugsson tekur nokkra klassíska slagara.
• Guðlaugur Ómar frá Leikfélagi Keflavíkur, Karlakór Keflavíkur slær botninn í dagskrána.

Að venju bjóða stéttarfélögin upp á ókeypis bíósýningu fyrir börnin kl. 13.00 í Sambíóinu við Hafnargötu.

Vestmannaeyjar

Alþjóðlegum baráttudegi verkalýðsins verður fagnað þann 1. maí í Akóges í Vestmannaeyjum. Húsið opnar klukkan 14:00. Þar verður tekið á móti börnum á öllum aldri með andlitsmálningu og blöðrum. Tónlistarveisla er á dagskránni frá Tónlistarskóla Vestmannaeyja. Fram koma meðal annarra Skólalúðrasveit Vestmannaeyja og Skólahljómsveit vestur- og miðbæjar.

Ávarp verður flutt auk þess sem kaffi, vöfflur og fleira góðgæti verður á boðstólnum. Öll velkomin og aðgangur er að sjálfsögðu ókeypis.

Selfoss

Lúðrasveit Selfoss leiðir kröfugöngu frá Austurvegi 56 kl. 11:00 að Hótel Selfoss þar sem dagskrá og skemmtun fer fram. Kynnir verður Jónas Yngvi Ásgrímsson frá VR en ræðumaðurinn að þessu sinni er Sonja Ýr Þorbergsdóttir, formaður BSRB.

Frá námsmönnum í ML verður Klaudia Joanna Figlarska.

Fríða Hansen tekur lagið með Alexander Frey. Afrekshópur Dansakademíunnar kemur fram en fimleikadeild UMFS sér um andlitsmálun.

Kaffi og veitingar verða á boðstólnum.

Akranes

Félag iðn- og tæknigreina. Verkalýðsfélag Akraness, Sameyki, VR, Kennarasamband Íslands og Sjúkraliðafélag Íslands standa fyrir dagskrá á hátíðar- og baráttudegi verkafólks 1. Maí.

Safnast verður saman við skrifstofu Verkalýðsfélags Akraness að Þjóðbraut 1,  kl. 14 og genginn hringur að bæjarskrifstofum Akraness þar sem hátíðardagsrá hefst í sal eldri borgara.

Björg Bjarnadóttir framkvæmdarstjóri SGS flytur hátíðarræðu, fjöldasöngur og  Kvennakórinn Ymur syngur nokkur lög.

Boðið verður upp á kaffi og kökur að hætti kórsins.