Tæplega 90 nýsveinar fengu sveinsbréf
Áttatíu og fjórir nýsveinar úr átta iðngreinum fengu sveinbréf sín afhent við glæsilega athöfn á Hótel Nordica á þriðjudaginn, 18. nóvember síðastliðinn. Þar af voru 17 úr hársnyrtiiðn og 15 bifvélavirkjar.
Skemmtiatriði voru á dagskránni og veitingar voru að sjálfsögðu úr efstu hillu, eins og venjan er þegar IÐAN heldur þessar útskriftir.
FIT óskar nýsveinunum, sem margir eru þegar meðlimir í félaginu, til hamingju með áfangann.
- Prentsmíði: 6
- Ljósmyndun: 4
- Blikksmíði:3
- Stálsmíði: 8
- Vélvirkjun: 20
- Bifvélavirkjun: 15
- Hársnyrtiiðn: 17
- Snyrtifræði: 11
Rúnar Hreinsson, ljósmyndari félagsins, festi athöfnina venju samkvæmt á filmu. Þær eru nú í myndasafni FIT en má einnig sjá hér fyrir neðan.
