Umsóknarfrestur um styrki úr Vinnustaðanámssjóði rennur út þriðjudaginn 10. nóvember klukkan 15:00. Fyrirtæki og stofnanir sem hafa tekið við nemendum í vinnustaðanám eru hvött til að kynna sér styrkmöguleikana og ganga frá umsóknum tímanlega.

Vinnustaðanámssjóður styður fyrirtæki og stofnanir sem taka við nemendum í iðnnámi eða öðru starfsnámi á framhaldsskólastigi þar sem vinnustaðaþjálfun er skilgreindur hluti námsins. Markmiðið er að fjölga tækifærum nemenda til að ljúka þeim verklega hluta námsins sem krafist er samkvæmt námskrá.

Í þessari úthlutun er hægt að sækja um styrki vegna vinnustaðanáms á tímabilinu 1. nóvember 2025 til 31. október 2026. Styrkirnir renna til vinnustaðanna sem annast þjálfunina. Nánari upplýsingar eru á Styrkjatorgi Ísland.is.

Sótt er um rafrænt á Mínum síðum Rannís. Mikilvægt er að undirritaður vinnustaðanámssamningur liggi fyrir í INNU, en rafræn ferilbók er forsenda styrkveitingar. Vinnustaðir ættu einnig að hafa tiltæk nauðsynleg fylgigögn, svo sem launaseðla eða önnur vottorð sem staðfesta námið. Sjá tilkynningu Rannís um umsóknir og undirbúning.

Fjárhæð styrkja ræðst af fjárveitingum til sjóðsins og eftirspurn. Rannís hefur umsjón með sjóðnum og tekur við fyrirspurnum á netfanginu vinnustadanamssjodur@rannis.is.

Nánari upplýsingar um Vinnustaðanámssjóð og umsóknir.